Ffisiotherapi - Helpu cleifion i adennill neu gynnal eu gallu llawn o ran gweithredu, symud yn normal a ffitrwydd.
- Drwy asesu, darparu triniaeth a chyngor i helpu leihau neu ddileu poen ac adfer annibyniaeth.
- Atal derbyn i'r ysbyty a hybu rhyddhau'n gynnar.
Therapi Galwedigaethol Mae Therapi Galwedigaethol yn broffesiwn gofal iechyd sy'n darparu gwasanaethau i bobl y mae eu gallu i weithredu o ddydd i ddydd wedi cael ei amharu. Ymhlith y pethau sy'n achosi amhariaeth mae problemau corfforol, seicolegol neu ddatblygiadol a brofir gan bobl o bob oed. Defnyddir gweithgaredd pwrpasol, sblintio, offer arbennig, hyfforddiant sgiliau, cwnsela ac addasiadau amgylcheddol i wneud y gorau o allu'r unigolyn i fod yn annibynnol yn eu bywyd bob dydd. Yn lleol, nod y Gwasanaeth Therapi Galwedigaethol yw: - Darparu ymyrraeth addas i fodloni anghenion yr unigolyn p'un ai a ydynt yn yr ysbyty, gartref, yn y gweithle, ysgol neu leoliad arall yn y gymuned. Mae enghreifftiau'n cynnwys addysgu technegau newydd a darparu offer sy'n hwyluso annibyniaeth mewn gofal personol, lleihau rhwystrau amgylcheddol a darparu adnoddau i leihau straen
- Hwyluso proses adsefydlu di-dor trwy gysylltu â chydweithwyr Therapi Galwedigaethol o fewn yr Ymddiriedolaeth, mewn Gwasanaethau Cymdeithasol ac mewn lleoliadau arbenigol
- Cymryd barn cleientiaid a gofalwyr, canlyniadau archwiliadau perthnasol ac ymchwil i ystyriaeth wrth ddatblygu'r gwasanaeth
|
|