Darperir Gwasanaethau Clinigol i droseddwyr a chanddynt anhwylder meddyliol gan y Gwasanaethau Seiciatrig Fforensig.

Agorwyd Tŷ Llywelyn, Uned Diogelwch Canolig 25 gwely a adeiladwyd yn unswydd, ar

safle Ysbyty Bryn y Neuadd, Llanfairfechan ym mis Hydref 1998.

Mae'r Uned yn darparu triniaeth ac adsefydlu i gleifion y credir eu bod yn debygol o wella gyda'r cydbwysedd cywir o ofal a dychwelyd i'w cymunedau eu hunain yn y pen draw.

Cymerir cyfeiriadau gan amrywiaeth o ffynonellau gan gynnwys y Gwasanaethau Iechyd Meddwl generig, y System Cyfiawnder Troseddol, Meddygon Teulu, Gwasanaethau Carchar, Ysbytai Arbennig a Gwasanaethau Cymdeithasol.

Caiff gofal pob claf ei gynllunio a'i adolygu'n rheolaidd gan y tîm sy'n cynnwys Seiciatrydd Ymgynghorol, Nyrsys, Gweithwyr Cymdeithasol, Therapyddion a Seicolegwyr.

Ymhlith y cyfleusterau yn Nhŷ Llywelyn, mae:

• 25 ystafell unigol wedi'u lleoli o fewn 3 ward
• Lolfa / ystafelloedd bwyta
• Ystafelloedd golchi dillad
• Ceginau
• Gerddi
• Campfa fawr ac ystafell ffitrwydd
• Ystafelloedd therapi creadigol
• Cyfleoedd i gael addysg
• Gweithgareddau hamdden
• Caplan sy'n ymweld â'r Uned
• Gwasanaethau Eiriolaeth Annibynnol
• Mynediad at Wasanaethau Deintyddol a Thrin Traed
• Ystafell Ymweld i Deuluoedd
• Ystafelloedd Celf a Cherddoriaeth
• Gweithdy llawn offer