Croeso i adran Cymryd Rhan (Cynnwys a Cyhoedd a Chleifion) Ymddiriedolaeth GIG Gogledd Orllewin Cymru o'r Wefan sy'n dangos 'gwaith ar droed'.  Bydd yn cael ei ddiweddaru'n rheolaidd.

Rydym yn sylweddoli fod iechyd yn dod ar ben yr agenda lleol ac yn bwnc sy'n golygu llawer iawn i'r rhan fwyaf o bobl.  Dyna pam na all rhywbeth mor bwysig fod yn berthynas un ffordd.  Mae gan yr Ymddiriedolaeth rôl fawr i'w chwarae wrth geisio gwella iechyd a lles y gymuned leol a dim ond wrth weithio gyda'n gilydd y llwyddwn i wneud hyn.

Mae cynnwys y cyhoedd yn hanfodol mewn gwasanaeth iechyd modern a dydy cleifion a'u teuluoedd ddim yn barod erbyn hyn i dderbyn gofal iechyd amyneddgar.  Fel eich Ymddiriedolaeth rydym wedi ymrwymo i wrando ar eich barn a gweithio gyda chi i sicrhau fod y cyhoedd a chleifion yn cael eu cynnwys i ddatblygu gwasanaeth iechyd sy'n rhan o'r gymuned, lle mae gan bob un ei ran i gyrraedd nod cyffredin.

Y Pwynt Gwybodaeth yn Ysbyty Gwynedd

Mae'r Pwynt Gwybodaeth yn Ysbyty Gwynedd yn cael ei redeg mewn partneriaeth â'r Ymddiriedolaeth, y WRVS a'r Groes Goch ac mae'n darparu gwybodaeth am wasanaeth a grwpiau cefnogi sy'n gysylltiedig â'r ysbyty, yn ogystal ag arweiniad ar lle gall cleifion gael gwybodaeth am gannoedd o elusennau perthnasol, gwasanaethau gwirfoddol a bydd-daliadau.

Mae cynlluniau i gynnig gwasanaeth gwybodaeth o ysbytai eraill yn yr Ymddiriedolaeth, yn cynnwys Ysbyty Penrhos Stanley, Caergybi ac Ysbyty newydd Alltwen, Tremadog.

Am fwy o wybodaeth ar y gwasanaethau ar gael o'r Pwynt Gwybodaeth, ffoniwch Catherine Jones ar 07717 326 636.

NEWYDDION
	Mae Strategaeth Partneriaeth Cynnwys y Cyhoedd a Chleifion yr Ymddiriedolaeth wedi cael ei gymeradwyo'n ddiweddar gan Fwrdd yr Ymddiriedolaeth ac mae ar gael i'w lawrlwytho.
	Ydych chi'n gwybod y gwahaniaeth rhwng CAT ac MRI?  Beth yw ystyr DNA?  I gael yr atebion i'r cwestiynau hyn, beth am fynd at Taclo'r Termau.
	Ydych chi wedi meddwl am wirfoddoli?  Beth am gysyllu â ni ar e-bost i drafod eich dewis neu fel arall gallech gysylltu â: y Parch Wynne Roberts, Rheolwr Gofal Bugeiliol a Phartneriaeth, Ysbyty Gwynedd, Bangor neu ffoniwch (01248) 384095.
	Mae Rhifyn 1 o 'Law yn llaw' Newyddlen Cynnwys y Cyhoedd a Chleifion yr Ymddiriedolaeth ar gael i'w lawrlwytho.  Os oes eisiau copi papur o'r Newyddlen arnoch, cysylltwch â'r Uned Gysylltiadau yn Ysbyty Gwynedd ar (01248) 384939.
	Cysylltiadau a Gwefannau Eraill yn Gysylltiedig ag Iechyd

Gwella Gwybodaeth Cleifion

Mae gan yr Ymddiriedolaeth bolisi ynghylch cynhyrchu gwybodaeth ysgrifenedig i gleifion.  Mae hyn yn sicrhau fod y wybodaeth ddiweddaraf ar gael a'i fod wedi'i gyflwyno mewn arddull a fformat hawdd mynd ato a hawdd ei ddarllen.  Mae cynrychiolwyr cleifion wedi cael eu recriwtio i ddarllen proflenni'r holl lenyddiaeth a gynhyrchir gan yr Ymddiriedolaeth cyn eu cyhoeddi i sicrhau ein bod yn darparu deunyddiau o'r safon uchaf.

Os hoffech chi fod yn un o'n nifer o ddarllenwyr proflenni gwirfoddol, ffoniwch yr Uned Gysylltiadau ar (01248) 384939 neu anfonwch e-bost.

Fyddech chi'n hoffi dweud eich dweud am ein gwasanaethau?

Gall Awgrymiadau, Sylwadau a Chwynion fod yn ffynhonnell gwybodaeth hynod o ddefnyddiol i gynnal a gwella safonau gofal iechyd.  Mae eich barn yn hanfodol i ddatblygiadau'r dyfodol ac rydym eisiau gwybod beth rydych chi'n ei feddwl am y gwasanaethau a ddarperir gan yr Ymddiriedolaeth.