Mr Elfed W Roberts, QPM, MPDE, BA (Hons), FCMI
| Wedi ei eni a’i fagu ym Mangor, aeth Elfed Roberts i Ysgol Ramadeg Friars y ddinas cyn dilyn addysg uwch ym Mhrifysgol Cymru, Caerdydd lle graddiodd mewn Athroniaeth ym 1969. Wedi hynny bu’n gweithio am ddeng mlynedd ar hugain yn rhengoedd Heddlu Gwynedd a Heddlu Gogledd Cymru cyn ymddeol o fod yn Brif Gwnstabl Cynorthwyol ym Mawrth 2000. |
| Yn ystod ei wasanaeth, derbyniodd Fedal Heddlu’r Frenhines am Wasanaeth Nodedig yn 1998 – yn Rhestr Anrhydeddau Penblwydd y Frenhines ym mis Mehefin y flwyddyn honno. Penodwyd Mr Roberts yn Gadeirydd Ymddiriedolaeth GIG Gogledd Orllewin Cymru ym mis Chwefror 2005 - cyn hynny bu'n Gyfarwyddwr Anweithredol yr Ymddiriedolaeth o 1 Ebrill 2003. Cyn hynny, ac wedi ei ymddeoliad o’r Heddlu, bu’n Gyfarwyddwr Anweithredol ac Is-Gadeirydd Awdurdod Iechyd Gogledd Cymru ac Is-Gadeirydd Comisiwn Gwasanaethau Iechyd Arbenigol Cymru. Bu hefyd yn Is-Gadeirydd Pwyllgor Amddiffyn Plant Gwynedd ac un o’r ddau a sefydlodd Cynllun Cefnogi Dioddefwyr Gogledd Cymru. Derbyniwyd ef yn Gymrawd y Sefydliad Rheoli Siartredig ym 1993 ac mae’n gyn-Gadeirydd ac Is-Lywydd erbyn hyn Cangen Gwynedd y Sefydliad. Mae Elfed yn aelod o Gynfor Prifysgol Cymru Bangor ac yn aelod o Sefydliad Rheoli Gofal Iechyd. Mae hefyd yn Aseswr Annibynnol sy’n cynrychioli’r Comisiynydd Penodiadau Cyhoeddus o ran penodiadau cyhoeddus Llywodraeth Cynulliad Cenedlaethol Cymru. |
|